"Ampunlah ambo ayah bundo
Lah lamo ayah ambo datang
Kapalo ambo sakik bana
Pusiang indak tampak kan diliek
Ambo tanangkan atch anjuang
Maro nan datang tibo-tibo
Indak saketek ambo sangko
Talabiah ibo ati ambo
Mamikiakan anak ambo
Arek manyusu inyo baru
Si Buyuang baru kito imbau
Alun inyo dibari namo
Nan taragak di hati ambo
Tacinto alah agak lamo
Handak baralek gadang-gadang
Manurun mandi si Buyuang ko
Iyo mambari inyo banamo
Nak tau urang nan banyak
Ambo baranak laki-laki
Satuo iko umua ambo
Baru kini ambo mandapek anak
lyolah anak laki-laki
Alah baranak duo tigo
Padusi sajo kasadonyo
Manjawek sanan Tuanku Sati
Aia mato badarai-darai
Dari cako inyo manangih.
Baitu juo Andeh Suri
Sarato Puti nan baduo
"Manolah anak Mangkuto Ameh
Marolah tibo pado kito
Indak dapek kito ilakkan
Janji lah tibo pado inyo
Indak dapek disambuang lai
49
