Kok berang bumi jo langik
Tanah runtuah lubang tatutuik
Ujan kok turun pulo
Jadi panuah lubang dek aia
Baa pulo manimbonyo
Hari kok batambah malam juo
Manolah anak kanduang ambo
Iyolah Tuanku Mangkuto Ameh
Suruah malah urang nan banyak
Mamasuakkan si Pinang Masak
Iyo kalubang pandam nantun
Nak salasai karajo kito
Hari basarang malam juo"
Ampunlah ambo ayah kanduang
Ambo nan patuik manurunkan
Ambo urang nan kailangan
Mandakeklah pulo ayah bundo
Kito lapeh basamo-samo
Didakekkan mayik ka lubang pandam
"Dipayuangi jo payuang kuninag
Diseraki sakali lai
Didakekkan pulo mah anaknyo
Iyo dek Puti Mayang Tauri
Banduanglah tangih dakek pandam
Maratok managih sagalonyo
lyo padusi nan maanta
Manangih jo ati ibo
Iyo manganang Pinang Masak
Urang nan elok salamo ko
Sasudah mayik ditanamkan
Urang babaliak ka ustano
Nasi talatak di hidangan
Dalam ustano jo balerong
Untuak sagalo urang datang
54
