Manyauik Rajo Angek Garang
Ampunlah ambo di nan banyak
Mungkin lah ado nan tau juo
Dek Andeh Suri nan ilang
Nan alah kito tanam samo-samo
Inyo nan maninggakan anak
Iyo anak laki-laki
Dek malang tibo di ambo
Anak alun dibawo turun
Alun panah ka Koto Tuo
Alun dibari lai banamo
Andeh inyo alali daulu
Dimintak dek bumi jo langik
Dek ari nan sahari ko
Hari baiak bulan baiak
Bulan nan sadang panuah kini
Ampek baleh hari malam cako
Ambo mamintak ka nan banyak
Mamintak tuah mamintak sakti
Iyo untuak anak ambo
Kito mintak basamo-samo
Iyo ka bumi jo ka langik
Amak inyo lakeh gadang
Amak inyo lakeh tinggi
Inyo manjadi urang pandai
Iyo manjadi urang kuaik
Urang tapandang di nagari"
"Ampunlah ambo bakeh Tuanku
Jokok baitu kan baiaknyo
Sananglah pulo ati kami
Tapi hanyo akan sabuah
Sabalun nasi kami suok
Mamintak kami bakeh Tuanku
Suruah kalua si Buyuang tu
59
