Di dakek batang kanari
Si Buyuang lakehlah gadang
Tampek urang basanda diri.
Simantuang di tangah padang
Di dakek batang pauah palam
Si Buyuang capek nak gadang
Paungkik batang tarandam
Simantuang di tangah padang
Tampek batenggek buruang bayan
Si Buyuang capek nak gadang
Pamaga kampuang jo halaman
Si Mayang nan rancak jo sopan santunnyo
Di tangah urang nan banyak tu
Pakaian nan elok pulo
Pakaian adaik urang Solok
Baju batanti jo batabua
Batabua jo ameh padu
Babantuak bungo durian
Kain batanun banang makau
Indak doh baturak upiah
Iyo bak kain Pandai Sikek
Tapi babungo pucuak rabuang
Di tangah batabua pulo
Kain dipakai duo lampih
Salampih sampai kalutuang
Nan salampi taruih katumik
Balahnyo iyo kabalakang
Abuaknyo bajalin panjang
Bajalin jo cindai aluih
Iyo cindai buatan Cino
Bamacam macam arononyo
Dibaliakkan kakapalo
62
