Memang iko nan dikandaknyo
Pandangan iko nan dicintonyo
Mangkonyo amuah baralek gadang
Manurun mandi dang anaknyo
Sabab iyo manuruik adaik
Kok iduik bana Pinang Masak
Nan gadih juo nan ka tangah
Maindang induangkan paja ketek
Salain pulo dari itu
Tantang kapado Mayang Taurai
Sarupo bana jo andehnyo
lyolah Puti Pamato Intan
Idaman Tuanku Angek Garang
Wakatu samo mudo-mudo
Talangkai abih kato sudah
Inyo mah ado ditarimo
Dek Tuanku Sungai Pagu
Ayah dek Puti Pamato Intan
Tapi dek tampan Tuanku Koto Tuo
Iyolah ayah Mayang Taurai
Pamato Intan manulaknyo
Sampai malawan pado ayahnyo
Baitu pulo pado ibunyo
Kanai kutuak dek urang gaek
Dek itu Angek Garang mambaleh dandam
Dipasonyo Rajo Koto Tuo
Kan manyarahkan Pinang Masak
Kini taniaik di atinyo
Handak marabuik urang rancak
Iyolah Puti Mayang Taurai
Babaliak kito kapangka
Tasabuik Puti Nilam Cayo
Sadang si Mayang lai bapikia
64
