Mancari pantun kan panyambuang
Inyo manyambuang dindin dindong
"Dindin dindong anak den sayang
Buyuang nak ketek lakeh gadang
Indak ado garan andeh Buyuang
Nan lain ado kan gantinyo
Indak kan tau Buyuang garan
Andeh Buyuang iyo batuka
Dek urang sarupo juo
Samorancak samo gadangnyo
Maintak Buyuang nak pado langik
Sarato pado bumi kito
Usah rang lain naiak ustano
Untuak manjago anak andeh
Manggantikan andeh Buyuang"
Mandanga dendang lah baujuang
Agak tasirah iyo muko
Muko si Puti Pamato Intan
Badendang inyo maso itu.
Lalok sayang nenek ayunkan
Usah Buyuang nak banyak pikiran
Alek kito lah lapa garan
Lalok Buyuang di ateh anjuang
Beko kito kan bararak
Pai mandi ka tapian
Iyo tapian Batang Ruyuang”
Di ambiaknyo paja dari ayunan
Iyo dek Puti Pamato Intan
Disarahkan pado Mayang Taurai
Disuruah bawo kateh anjuang
Birawari Tuanku Mangkuto Ameh
Bakato inyo maso itu
65
