Manolah alek nan banyakko
Ampuni ambo kok basalah
Duduak Tuanku rajo-rajo
Sarato pangulu saandiko
Ambo nak pai tu sabanta
Maanta si Buyuang ka tapian
Iyolah Sutan Majo Intan
Mungkin tu garan ayah ambo
Nak sato pulo inyo pai
Sarato Datuak Manti Tuo
Datuak Mangku tingga di usta no
Kok ado nan mudo-mudo
Nak sato maarak paja ketek
Suko tarimo tu dek ambo
Nak rami labuah ka tapian
Tagaklah urang nan ka pai
Di laman alah tu mananti
Iyo karando untuak paja
Kudo pulo untuak ayahnyo
Adomah kudo anam ikua
Naiaklah Rajo Koto Tuo
Sarato rajo mudo-mudo
Mayang Taurai jo andehnyo
Sarato Puti Nilam Cayo
Itu nan duduak ateh tandu
Dek tandu indak gadang bana
Bararak urang katapian
Di muko tari galombang
Sudah itu urang bakudo
Di balakangnyo payuang kuniang
Indak barajo di bawahnyo
Sudah itu baru tandu si Buyuang
Di balakang itu garan
69
