Usah paneh dilabiahkan
Kok sakik beko anak kami
Kamano kami kan mangadu
Matohari iyo bakuaso
Manolah bumi nan dipijak
Nan mambari makanan kami
Relakan sagalo nan dimakan
Usah kami bumi kutuak
Iduik kan maltah anak kami
Jo padi, ubi sarato taleh
Amak lakeh inyo gadang
Manolah Dewi urang rimbo
Pari mambang rang bunian
Iko si buyuang anak kami
Namo si Buyuang Majo Intan
Caliak ruponyo elok-elok
Barinyo tuah dari dewi
Amak rancak tampan nyo nanti
Iyo anggun, gombang ruponyo
Agiah inyo ba cik lalek
Agiah inyo balasuang pipik.
Nak manih dipandang urang
Nak cancak tampak sanyumnyo
Iyo dek gadih samo gadang
Manolah engkau hantu rimbo
Hantu aia hantu tanah
Baranjak kalian dari tapian
Kami tidak maliek kalian
Kalian ado maliek kami
Usah kami kalian gaduah
Iyo si Buyuang Majo Intan
Sarato kumi nan banyak ko
Barangkek kalian jauah-jauah
72
