Kok ado beko nan baliak siko
Iyo nan sakik ngilu paniang
Ulah karajo kalian tu
Hambo sumpahi ambo kutuak
Kalangik di tahan awan
Kaaia di ampeh aruil
Lumpuah kalian atch buni
Iyo sampai dunia ko hancua
Huuus huuuuuus huunuuuus.
Lah sudah Inyak mambaco manto
Diambiaknyo si Buyuang Majo Intan
Dari pangkuan dang ayahnyo
Diasoknyo jo kumayan putiah
Diambuihnyo ubun ubunnyo
"Manolah Buyuang Majo Intan
Lakeh handaknyo Buyuang gadang
Ditimang diayun dibuaikan
Ditatiang bak minyak panuah
Maso ketek kan ubek ati
Alah gadang tempek mangadu
Jadilah urang nan disambah
Tampek mangaku urang banyak
Tampek urang mamintak hukum
Tampek baguru urang bawahan
Nan ka jadi suri tauladan.
Asok kumayan nan harun ko
Dek kimayan kumayan putiah
Sampai kan malah manto ambo
Kapado langik, mato ari
Mambang jo Dewi di angkasa."
Birawari Inyiak Dukun Tuo
Dikareknyo limau tujuah ragam
Limau kasturi limau sariang
Limau kambiang limau karatan
73
