Tagalak pulo urang nan banyak
Bakato Andeh Nilam Cayo
Inyo dijujai dek andehnyo
Nan samo bana do nan dilieknyo
Iyo Puti Mayang Taurai"
Lah sudah si Buyuang mandi
Diagial lampin cita aluih
Dibari baju suto cino
Diambin jo kain tanah liek
Dek gadih nan maambinnyo
Disalimuti jo cindai panjang tujuah
Iyolah Puti Mayang juo
Baliaklah urang kateh tandu
Naiaklah pulo Tuanku rajo
Sarato urang nan barampek
Iyo kaateh kudo tunggang
Bagarak urang kasadonyo
Pulang babaliak ka ustano
Lah tibo dalam ustano
Nasi mananti di hidangan
Makan pulo urang babaliak
Dek hari alah agak laruik
Alah mah cundungnyo ka baraik
Lah lewaih bunta bayang-bayang
Lah sudah minum jo makan
Pulanglah urang ka tampeknyo
Baitu Rajo Tuanku Sati
Sarato Puti Pamato Intan
Dibawonyo anak kaduonyo
Iyolah Puti Mayang Taurai
Sarato Puti Bongsu Urai.
75
