Kok indak kuaik indak kaba
Indak pandai mamainkan padang
Sarato karih, fambiang, tombak
Sabagai pulo tu nak kanduang
Inyo iyo urang kayo
Kok indak cukuik dek rakyat
Untuak pai tuhuak parang
Diupahnyo pandeka nagari lain
Indak takuik pitih kan abih
Asa sampai mukasuiknyo
Manangih Puti Mayang Taurai
Manangih baibo ati
Takana Sutan Maulano
Antah di mano nyo tu kini
Iyo katonyo inyo ka pai
Iyo ka nagari Koto Anau
Tapi salamo salaruik itu
Indak ado kaba baritonyo
Alun lai sampai duo hari
Sasudah si Mayang nyo mangadu
Mangaku bakeh andelnyo
Lah datang urang Koto Lamo
Laki-laki parampuan
Datang maminang manalangkai
Bakato garan nan tuonyo
"Ampunlah kami dang Tuanku
lyo Tuanku Koto Tuo
Kami disurah rajo kami
Datang manja puik anak Tuanku
Nan banamo Mayang Taurai
Kan dijadikan Andeh Suri
Pangganti Puti nan lamo
Nan loho samo kito tananı
Halaman:Rangkiang Luluih.pdf/85
↓Laman ko alah sah
