Japuik tabawo tu handaknyo
Di sinan kito baralek
lyo baralek ketek sajo
Maalun urang ganti lapiak
Daulu kito lah baralek
Baralek gadang duo nagari
Mangko bagageh rajo kami
Dek paja si Buyuang Majo Intan
Manangih sajo karajonyo
Payahlah urang maantokkan
Sahari duo hariko
Lah payah inyo manyusu
Andeh susunyo nan baduo
Indak tidua siang malam
Dek manjago inyo sajo”
"Kok baitu kato Mamak Manti
Bia si Mayang ditanyoi
Lai kok amuah inyo garan
Manggantikan kakak kanduangnyo
lyolah Puti Pinang Masak
Tapi sabuah itu kini
Umuanyo baru ketek bana
Alun kan patuik itu garan
Inyo manjadi Andeh Suri.
Andeh tau karenahnyo
Dek urang minantu andeb
Kok salamo inyo mananti
Dadonyo sasak tu backo
Muluiknyo indak ditahannyo
"Kok iyo banalah baitu
Indak doh sanang hati kami
Malapeh mamak turun ndak makan
81
