Elok paja dibawo kamari
Bia kami manggadangkannyo
Di siko padusi lai banyak
Nan buliah baganti-banti
Iyo mandindong mandidinkannyo
Ampunlah ambo di Tuanku
Kok dek kami indakkan baapo
Kalau itu nan ditarimo
Iyolah itu elok juo
Tapi Tuanku kan lah tau juo
Baapo kurenah rajo kami
Inyo barajo di matonyo
Inyo basutan di hatinyo
Bapikia Tuanku tantang itu
Cubo baliak mamak daulu
Sambahkan pado rajo Mamak
Tantang jawaban denai tadi
Untuang-untuang ditarimonyo
Dek inyo alah tuo juo
Kok lai kini labiah saba
Kok baitu kato Tuanku
Nak kami cubo mangatokan
Tapi kok berang inyo baeko
Usah kami disasali
Elok bapikia kini-kini
Dalam bahandai nan bak kian
Datanglah Puti dari dalam
Iyolah Puti Pamato Intan
"Manolah Mamak sarato Kakak
Nan datang dari Koyo Lamo
Kok alah abih parundiangan
Baurak selo mamak garan
Nasi tahidang di ruang tangah
Halaman:Rangkiang Luluih.pdf/88
↓Laman ko alah sah
