Mano andeh rumah gadangko
Usah lah kami makan pulo
Kami bagulik ko mah kini
Sarato urang padusinyo
Puti juo inyo garan
Adiak Tuanku Talang Babungo
Nan banamo Puti Kumbang Cari
Inyo batapuak maso itu
Manyuruah datang dayang-dayang
Alah mah datang kambang Cino
Bakato andeh Pamato Intan
Mano nak kat Kambang Cino
Japuik si Upiak kateh anjuang
Suruah turunnyo kasurambi
Kami andak ba handai andai
Naiak si Kambang kateh anjuang
Di dapekinyo Mayang Taurai
Sadang manangih itu garan
Manangih taisak-isak
"Ampunlah ambo Tuan Puti
Ayali jo hundo itu garan
Sadang duduak di surambi
Tuanku disuruah turun
Handak dilawan ttt barundiang"
"Mano diak kanduang Kambang Cino
Duduak juo itu garan
lyo urang dari Koto Lamo
Kok inyo alun lai pai
Denai nan indak ingin turun
Dibawonyo denai beko
Indak taragak itu garan
Nak duik di Koto Lamo
Manggantikan kakak kanduang denai
Jyolah Kakak Pinang Masak“
Halaman:Rangkiang Luluih.pdf/89
↓Laman ko alah sah
