Lah tampak pulo dari jauah
Angek Garang datang bakudo
Si Mayang lari kateh anjuang
Tuanku jo andeh suri
Turun inyo kahalaman
Manarimo urang nan datang tu
Turun Tuanku Angek Garang
Iyo dari ateh kudonyo
Jo kasa sajo nyo bakato
"Manolah ayah rajo siko
Ambo ko datang manjapuik
Iyo manjapuik elok-elok
Manja puik manuruik adaik
Nan lain pulo jawek ayah"
"Mano Tuanku anak ayah
Mangapo mangko berang sajo
Naiak daulu kateh rumah
Kito barundiang babicaro"
"Kok lai nan elok nan ka disabuik
Ambo lai namuah naiak
Kok nan cako kan diulang
Iyo nan di sabuik urang nan datang
Ambo lai kan naiak juo
Maelo si Mayang dari anjuangnyo"
"Naiak kito daulu
Dapek Tuanku mandanga kato
Iyo dari ayah sandiri
Bukan kato basambuang lidah
Antah iyo dari ayah
Antah ditukuak urang pulo
"Naiak ayah ka ustano
Ambo manuruik di balakang
Lah naiak urang katigonyo
89
