Lah duduak tampak disurambi
Bakato sanan Tuanku Tuo
lyolah Rajo Koto Tuo"
"Manojah Tuanku anak denai
Dangakan malah kato ayah
Tantang mukasuik anak kanduang
Andak pulang pado si Mayang
Kami nan tidak kan manghambek
Kami nan tidak kan malarang
Memang lah iyo di adaikkan
Kok ado kakak nan mati
Maninggakan anak pulo
Iyo adiaknyo kan gantinyo
Alah biaso itu garan
Iyo dialam Minang nangko
Ato hanyo akan sabuah
Tantang dek adiak Tuanku ko
Inyo iyo paja baru
Umuanyo baru ketek bana
Alun patuik inyo bajunjuang
Kunun manjadi Andeh Suri
Alun kan pandai inyo garan
Iyo ka tapi jo ka tangah
Alun tau dipadeh lado
Baitu juo masin garam
Jiko Tuanku ingin juo
Nanti malah satahun duo
Kami tunjuak kami ajari
Baapo nan kan eloknyo
Iyo manjadi padusi rajo"
"Usah ayah baolak elai
Usah ambo dikutak katiak
Jo kato haiko jo baitan
90
