Ambo lai dapek maliek
Barapo garan umua paja
Iyo sagadang inyo nantun"
"Gadangnyo iyo bak diambuih
Umuanyo alun lai bara
Inyo alun maliek bulan
Alah kok jaleh dek Tuanku"
"Kok baitu kato ayah
Ambo tau nan ka rusak
Bia inyo tingga jo ambo
Malakik inyo agak gadang
Untuak manjago Majo Intan"
Tantang manjago Majo Intan
Elok paja tu nan diangkuik
Dibawo inyo kamari
Di siko banyak tu padusi
Iyo urang nan ka manjago"
"Elok bana tu mah garan
Tuanku disiko rami-rami
Ambo nan tingga ka dinginan
Bini ambo alah mah mati
Anak ambo dibawo pulo"
"Mangko baitu kato ayah
Padusi nan lamo alun kawin
Andeh Suri nan mulo mulo
Lai mah inyo iduik juo
Sadang rancak itu kini
Kabara banalah umuanyo
Lai garan sapadan juo"
Mandanga kato nan bak kian
Tapanca berang Angek Garang
Alah lupo inyo garan
Inyo nan samo rajo-rajo
91
