sigàgeh mengetjekkan isi atinjo ka si Nurhajati.
Pado suatu hati, dinantinjo si Nurhajati di tangah djalan.
,,Nur.........ado nan ka uda sampaikan. komah Anu................. O...... anu komah Nur.........!" Kato si Djainun ta-gagok2. Si Nurhajati nan indak manjangko2 bahaso si Djainun kamanjongsongkannjo tu, lah tangangak sadjo maliek kurenah si Djainun nan sarupo urang ilang aka tu. Labiah2 dek si Nurhajati indak panah bapikia tantang nan indak2 djo si Djainun tu. Djan kan njo arih njo dorok muko si Djainun, dorok muko urang nan sadang dilamun kanai ati, bapikia tantang soal2 kanai ati seinjo indak.
,,Apo kaba. Bato manakua2 bana uda ?" Kato Nurhajati sambia mambalalangkan matonje sarupo mato anak ketek nan indak tau apo2. Maliek tu batambah abih gagok si Djainun. Timbua ragunjo untuak taruih menjampaikan, tapi lakeh pulo takana deknjo. bahaso didunia modern ko paralu main tjapek. Main taruih tarang. Mako dibaenjo djuolah mangtjekkan djo suaro nan mengigia.
,,Nur........Nur. Uda tantu paralu.....djo paralu pulo baralek....baralek ka kawin". Mandanga ketjek tu. tambah tabulalak mato si Nurhajati. Dek karano tu tjapek2 dibalehnjo djo suaro urang nan indak manngarati.
,,Gilo uda komah! Tu kan urusan uda, apo pulo paralunjo diawak tu. Hii udalah gilo bana komah!"
"Sudah mangetjek tu dibaenjo sadjo badjalan sambia galak takekeh2. Kononlah pihak si Djainun.
6
