↓Laman ko alah sah
AGIAH DEN PITIH BIAI ............
SI RAHIMA SAKIK!
MAKO TASABUIKLAH SURANG ANAK MUDO dikampuang lua nan banamo si Bidin Rantjak. Anak urang tungga babeleng, ubek djiarang patah kiamam. Mandjo nan bukan alang kapalang. Bantuak rantjak elok kapamenan. Kononlah dipihak bapak mandehnjo, urang tajilek ditangah kampuang. Tuah ado, pusakopun laweh. Kok lah mandjabik sawah di Puhum, ditjirak pulo sawah dihilia, dipiku pulo padi nan dimudiak, padeklah lumbuang sambilan lirik. Saratuih urang makan, satahun panuah manjungkah njo, alun katandeh padi dirangkiang. Baku bana kajonjo mandeh si Bidin Rantjak.
83.
