Banjak tjarito kapado si Bidin, awak mandjolah namonjo, tampaik sajang tumpuan kasiah. Apo kandak taruih balaku. Muluiknjo............... bapak rajo mandeh batuah. Karadjo nan rintang hilia mudiak. Kok pagi bahadju sirah, tangah hari babadju kuniang, patang2 dituka pulo djo badju balang bakatak2, madjelang sandjo diganti djo badju kalabu nan lindak2. Kok dicaliak pakek sarawanjo, heranlah awak mangadji. Wool djo dakron siliah baganti. Takah toke2 saudagar tjangkeh.
Tapi samantangpun baitu, urang lah tahu kasa kampuangannjo. Lapak si Bidin tasabab dek kato rang gaeknjo. Urang mangakeh dulu mangko makan. Bantuan paluah kian kumari mantjari pilih untuak pambali badju. Tapi dek si Bidin hingga mamintak karang gaeknjo. Urang maasok, injopun maasok. Tapi lainnjo............. urang makok djo hasia tjutjua patuah. Tibo di si Bidin pilih ang gaek nan dirandjiknjo.
Sakali pado suatu patang, dimuko lapau mak Pono, ramilah anak budjang maota2. Ado nan bakain saruang, ado pulo nan bakupiah sato. Tapi nan basarawa wol babadju tetoron, hanjolah surang sadjo, indak lain indak bukan.............. injolah tu si Bidin Rantjak. Anak mudo tumpuan pandang ditangah kampuang. Nan kamandjadi buah muluik. Untuak ditaabuik patang pagi.
„Awang djo gagah bana tampak diden sapasang ko............ Bidin! Kato si Djubin mulai mampagarahkan si Bidin.
84
