Mandanga suaro si Gadih Ranti, raso ka tabang arwah di badan, mato tak lapeh mancaliak, bakato-kato dalam hati, tak ado gadih sarancak iko, duo puluah ambo babini, alun sarancak gadih nangko.
Tumbuah di laman kayu kalek
Tumbuah dakek kayu jati;
Takilik iman siGaek
Maliek roman siGadih Ranti.
Hilia pidati Batang Gadih
Panuah muatan kayu kalek;
Maliek rancak anak gadih
Mudo paratian hatisiGaek.
Si Raman Sutan Pamuncak
Sadang bajalan ka hilia;
Meliek rupogadih rancak
Raso di cawan tapibibia.
Gadang ayia di subaliak
Tarandam batang daun dadok;
Kok mato pueh mancaliak
Tangan tak dapek mangakok.
Ado sabanta antaronyo, ka rumah mandeh si Ranti, baduo dangan Datuak Batuah, mamak kanduang si Ranti, satu tibo inyo di rumah, basalam jo Angku Kapalo.
“Lah lamo garan Inyiak ka rumah, ambo nan datang dari sawah, maliek padi nan masak,” katonyo Datuak Batuah.
Manjawab Angku Kapalo, “Balum lamo ambo di siko, mukasuik gadang ka Datuak. Manolah Datuak Batuah, kalau diliek dipandangi, satantang si Ranti kamanakan Datuak, diliek rupo alah gadang, dipandang umua alah sampai, patuik dibari bajunjuangan untuak suami si Ranti. Nak lakeh sajo kato ambo, indak guno dipapanjang, kok panjang bana kato itu, di sanan juo ka tibonya, ambo mamintak kapado Datuak, mampasuntiang bungo nan
32
