↓Laman ko alah sah
Mandanga kato mandeh kanduang, tapancak paluah di kaniang, hati nan tidak sanang lai, tapi sungguah nan bak kian, di muko indak mangasan, malu kapado mandehnyo, disabakan mandeh tantang itu.
“Pasanang sajo hati mandeh, insya Allah tidak ka baa, lakeh babaliak ambo pulang.”
Sirujua jo batang Kapeh
Kambanglah bungo parautan;
Kok mujua mandeh malapeh
Bak ayam pulang ka pautan.
Urang Padang mamunta banang
Dipunta dilipek-lipek
Dilipek lalu dipaduo;
Kalau dirantang inyo panjang
Elok dikumpa naknyo singkek
Diambiak sajo nan paguno.
Alang-alang urang Kinali
Bari baikua bakapalo;
Diulang sulang lai
Panjapuik kaba nan cako.
44
