Kanai Batunyo!
Alah tibo di hari Sabtu, bajalan si Bujang Saman, dibaok bungkusan kain baju, sarato lapiak kain salimuik, cukuik jo bareh gulai randang, samba lado gulai pangek.
Lah tibo di laman kantua, duduaklah inyo baririk kiro-kiro sapuluah urang, urang dikirim ka Malalak, pai ka labuah rodi, dibaok pangkua jo tambilang.
Kiro-kiro pukua sapuluah, hari nan sadang pagi bana, bajalan inyo sapuluah urang, bajalan babondong-bondong, pai karajo indak bagaji, makanan datang dari mandeh, pai tahukum indak basalah.
Sangaik seso hiduik di kampuang, lah patuik urang pai badagang, tidak disasa kampuang langang, mangko co iko bana parasaian, hiduik diseso paruntuangan.
Dima jawi ka kanyang
Bagubalo di Ikua Koto;
Dima hati nan ka sanang
Hiduik diseso Angku Kapalo.
Masak buah-buah palo
Dijuluak jo ampu kaki;
Dek parangai Angku Kapalo
Marasai bujang ka rodi.
46
