hiduik marasai sajak ketek, tidak tatampuah pitih banyak, dibukak pulo kopor nan tigo, diambiak kain dalam peti, kain sutomaha bali, sarato batiak haluih-haluih.
Dibukak pulo kotak-kotak, panuah barisi barang ameh, cincin jogalang ringgik bakarang, untuak pakaian adiak kanduang.
“Manolah adiak Salamah, baok barang ka dalam biliak, buliah disimpan dalam peti, pakai kutiko pai baralek.”
Lorong kapado si Salamah, ragu inyo maambiak, saraso urang barasian, maklum inyo anak ketek, alun dikicok ameh samiang, ibu bapak urang miskin, basawah sadang dimakan, nan labiah bana mandeh kanduang, di mano dapek pitih nan banyak, cameh inyo mamikirkan, antah kok pitih dapek barampok, atau maliang dangan curi, karano inyo urang bagak.
Harisaharinantun, sampai sanjo barundiang juo, alah tapasang dama dalam rumah, nasi ditatiang dek si Salamah, makan batigo baranak, sadang makan basuko juo, bunyi galak badarai-darai, nan labiah bana si Salamah, baminyak muko kasukoan, tioksabanta kotak dibukak, malek kuniang cahayo ameh, bak si pontong jolong bacincin.
Tidak guno dirandang kacang
Elok dipiliah ciek-ciek;
Indak elok dirantang panjang
Elok dikumpa naknyo singkek.
Lah tibo janji nan ditakuak, iyo buatan nan dikarang, lah rami rumah si Saman, rami di anak mudo-mudo, saratoniniak dengan mamak, duduak bareda tangah rumah, ditatiang jamba hanyo lai, jamba taratua tangah rumah, langkok jo ayia minum kopi, alah sudah sambahmanyambah, makanlah urang kasadonyo.
Alah sudah minum jo makan, siriah disorong dicarano, lorong kapado niniak dengan mamak, karano si Saman mamakai adat, jadi sumando urang Guci, maso ketek dibari namo, lah gadang dibari gala, sapakaik niniak dengan mamak, dapeklah gala Sutan Parmato,
82
