surang tidak nan bacacek, tidak urang sambarang urang, anak pangulu cadiak pandai, masak pangaja di mamaknyo.
Kalau paitampek mandi
Mandi di dalam tapi pantai
Kok tidak mandi di hulu;
Kalau mancari kawan ka kanti
Cari kawan cadiak pandai
Kok tidak anak pangulu.
Alah sudah duduak bareda, duduak di ateh tilam manggalo, di bawah palamin Indo Cino, gemerlapan cahayonyo, sarupo rajo naiak nobat.
Kalau diliek urang nan mananti, duduak baririk nan mudo-mudo, tidak ado urang nan tuo, gadih jo bujang banyak tampak, alek tadirinan mudo-mudo.
Kalau diliek di halamanyo, babuni aguang jo talempong, urang barandaitarisewah, hari samalam-malam itu, alek tasarah ka nan mudo, urang nan tuo tidak tampak.
Kalau di hari nan barisuak, ka rumah sagalo niniak mamak, sarato imam dan katik, alim ulama urang siak, tidak tampak nan mudo-mudo, alek tasarah ka nan tuo-tuo, buni pasambahan tikam manikam.
Lorong kapado Sutan Parmato, tangango surang mandangakan, kadang-kadang galak tasanyum, sangaik manih parundiangan, samo hormat mahormati, tinggimutunyo adat lamo, sambah pidato bungo alek, mamakai gurindam pantun nasehat, sarato patatah jo patitih, hari lah laruik tangah malam, baru si alek bajalan pulang.
Hari samalam-samalam itu, rintang kucikak jo kucindan, urang bahatisuko juo, tadanga adzan dimusajik, baru usai urang nan banyak, paika surau sumbahyang Subuah.
86
