Banyak pulo alek kawin, tidak sarami alek Ranti, duo ikua kabau dibunuah, tujuah hari lamonyo alek, di mano-mano urang datang.
Birawari Gadih Ranti, sajak balaki Sutan Parmato, gilo basuko tiok hari, kasiah tadorong ka lakinyo.
Salasiah di ujuang pandang
Diambiak daun jo ureknyo;
Kasiah lah lamo diidamkan
Kini baru ka sampainyo.
Gadang ayia di Suranti
Tarandam batang timah-timah;
Sajak babini ka si Gadih Ranti
Tidak baranjak dari rumah.
Lah cukuik sabulan di kampuang, takana babaliak ka Padang, toko bak kato urang sajo, mamintak izin ka babaliak, kadaian lah lamo ditinggakan, ditamui malah mandeh kanduang, sarato adiak Siti Salamah, mamintak izin kapado mandeh.
Bakato si Salamah, “Kakak kanduang balahan diri, baoklah ambo ka Padang, Tuan bajanji-janji juo, sakali tidak adonan sampai.”
Mandanga kato adiak, galaktasanyum Sutan Parmato, “Kalau baitu kareh hati, molah kito pai, hari barisuak kito bajalan, baok mandeh kito, buliah bakawan adiak kanduang.”
Mandanga kato anaknyo, galak suko mandeh si Salamah, sajak samulo lahia ka dunia, dijunjuang uban di kapalo, balum sakalimaliek lawik.
Alah sudah katomupakaik, barisuak paika bajalan, kureta api pukua salapan, harisamalam-malam itu, tidak ado matonyo nan lalok, rintang mambuek samba, gulai randang jo gulai anyang, sarato pangek ikan gadang, cukuik jo ajik dan kalamai, pambawoan paika Padang.
88
