lyo ka pai ka galanggang
Lain bunyi caritonyo
Baitu pulo itu garan
Katiko Rubiah akan disuruah
Pai maminang manalangkai.
Pado maso katiko itu
Kawan bakato bakeh ande
Jikok talangkai ditulak wrang
Lah jaich jantan batinonyo
Tidaklah racun ka mambunuah
Panuah padusi di alamko.
Nan mambuek macam iko
Kawan mambunuah diri sorang
Mande kanduang kamati pulo
Dek barusuah barisau ati
Urang lawan bagadang ali.
Nan tapikia dek ambo kini
Sapandapek jo ande di rumah ko
Kito mancari iduik baru
Ambiak cacian ka palacuik
Pancambuik kudo ka subarang.
Mande amuah barabih rabih
Asa kapalo kan taangkek
Tacaliak urang nan banyak ko
Siapo bana Sutan Tumangguang
Kamanakan Datuak Tumangguang.
Dek takuik Magarik kan abih
Buyuang tagak ka sambahyang
Si Rancak mancari lapiak lain
Tagak di balakang Buyuang Geleang.
Lah sudah pulo sambahyang
Dek piriang lai duo buah
113
