Satiok pakan ilia mudiak
Ka Padangpanjang, pasa Rabaa
Taruih ka gunuang Paninjauan
Sagalo pakan bakuliliang
Dibali malah cawan pinggan
Sarato pariuak jo balango.
Mambuka kadai inyo kini
Itan di dakek rumah usang
Ado mah gaduang mande ketek
Elok bana kan jadi toko
Mande jo bapak manjuakan.
Urangnyo lai pandai pulo
Iyo manulih jo mambaco
Tamaik sakolah kaduonyo
lyo sampai sakolah tigo.
Sananglah ati Ameh Urai
Indaknyo ganta mangaluakan pitih
Lai adiaknyo manjua barang
Urang nan dapek dipacayo
Laki bini taat baagamo,
Lah banyak barang di toko
Lah banyak pulo jua bali
Bajaja bakuliliang inyo garan
Di mano pakan nan rami
Di sinan tampak nan batigo
Dibantu dek si Udin jo si Simin
Mambao manjua barang.
Dek lah banyak barang ka dibawo
Pakan jauah dijalang juo
Lah sato kini Pandeka Rajo
Pandeka Sati nak iyo pulo.
Lah bakalompok inyo kini
Balimo urang nan bakudo
119
