Rancak Dilabuah: Manolah kawan nan baranam
Lai sabalah bakeh ambo
Lai barani mati siko
Ataukah damai kito minto.
Buyuang Geleang: Aso ilang, kaduo tabilang.
Kito indak mancari lawan
Basuo usah dielakkan
Mari maminto kasadonyo
Iyo ka Allah Tuhan kito.
Parampok: Kok kalian minto nyawo
Minto sajo pado kami
Barang, pitih dapek dicari
Nyawo ka mano kalian bali
Urang gaek kok batangisan
Bini mudo kok baraungan
Pikia bana elok-elok
Nak kami tunggu sakutiko.
Rancak Dilabuah: Pakiah Mulano apo kaba
Mangapo mangko anok sajo
Soal gadang ko diak kanduang
Usah buyuang manyarah sajo
Pandeka Mulano: Sajak manjalang rumah tuan
Maminto sato baniago
Ambo alah bapikia juo
Nan banamo baniago
Iyo manantang labo rugi
Sarantak manantang lawan
Sakabek malawan musuah
Di aja samo-samo anyuik
Di api samo tabaka.
Kapalo Parampok: Iyo bagak kalian ko mah,
Ketek-ketek kareh insang pulo
Muko lai mah rancak-rancak
124
