Barapo kali lah kami buru
Anak buah bagalimpangan
Nan inyo cuma ciek nan mati
Ibo ambo di paja-paja.
Panah pulo ambo kironyo
Mamintak tolong ka sardadu
Sardadu kumpani nan di Padang
Lah tandeh ayam jo itiak
Tigo ari nyo di kampuang ko
Limo urang sardadu mati
Urang parampok ciek pulo.
Manuruik pandeka jo dubalang
Urang tu banyak nan kaba
Indak inyo dimakan basi
Ado pulo nan bailmu
Dapek mailang di nan tarang
Balinduang di lalang saalai.
Ciek sajo nan digantakannyo
lyolah ayaik-ayaik Tuhan
Jiko ulama tampak dek nyo
Nan datang nak manangkok
Maandok inyo dalam guo
Antah di manolah guo nyo tu
Sampai kint indak basuo.
Lai pulo samacam lai
N:::an kurenah urang jaek tu
Indak marampok urang surang-surang
Indak manggaduah rang ka rimbo
Panggaleh ketek-ketek indak panah dianiayo.
Urang tajatuah dalam rimbo
Diantakannyo ka rumah dukun
Rang bangsaik rang minto-minto
Diagiahnyo pulo pitih banyak
130
