↓Laman ko alah sah
- Di sinan kato diputuihkan.
Mande Ambun Suri: Kok sakarang kini iko
- Kok kini kito kan baralek
Mungkinlah ande alun dapek
- Utang barabih mancang galanggang
Sampai kini alah duo taun
- Alun salasai kasadonyo.
Anam bulan galanggang rami
- Kariang kantong kosong rangkiang.
Bagoni bulu si Kinantan
- Ditulak jo aia mato
Ulah pandainyo Gantosari,
Tiok urang mancang galanggang
- Ditutuik jo alek gadang
Baralek basuko ati
- Manarimo minantu baru.
Diambo lain tibonyo
- Galanggang ditutuik jo aia mato
Muko ditutuik jo kain buruak,
- Dek malu jo urang banyak.
Kini kok lah amuah anak mangalah
- Iyo anak Sutan Tumangguang
Sagadang gunuang ati ambo
- Ilanglah sakik ngilu paniang
Nan ditangguang salamo nangko.
Tapi anyo akan sabuah
- Manga satpai tigo taun bana
Adiak bujang batambah tuo
- Kok galak urang baeko
Mancaliaknyo jadi anak daro,
Jiko buliah pinto jo pinto
- Anam bulan cukuik lah agaknyo
149
