Katiko nan kaba kaduonyo tu
Maambiak baban dari kudo nan batino.
Inyo lai malawan juo
Abih badannyo luko-luko,
Tantang si Itam kudo Pakiah
Mangko inyo indak luko-luko
Marantak sajo ilia mudiak
Mainjak-injak nan tagolek
Bangkai pun juo dinjaknyo
Indak nyo tau mambedokan.
Si Baka cucu ande nantun
Lain pulo parangainyo
Baitu gadangnyo parang
Cando itu bareknyo lawan
Inyo tagak mamangku tangan :
Mamandang sajo elok-elok
Bak urang maliek komidi
Bagai mancaliak sépak bola.
Urangpun indak manggaduahnyo
Disangko urang tua sajo
Sahabih cakak jo parampok
Ambo suruah inyo pulang
Mambaritau ayah bundo
Patuik patang nyo lah tibo
Kironyo baru pagi nangko.
Dicari si Baka dek si Rancak
Dibao baliak ka Palabihan
Barangkck inyo maso itu
Mamacu kudo sakancangnyo.
Tibo di laman Buyuang Geleang
Dicaliak urang lah barangkek
Ayah si Buyuang jo andenyo
lyo jo kudo Pandeka Rajo.
154
