Halaman:Sutan Tumangguang Nan Rancak di Labuah.pdf/167

Urang talalai inyo mancido.
Bagalimpangan maik tangah rimbo.

Iyo dek gadang ati ambo
Basyukur pado Tuhan kito
Nan samalam-malaman cako.
Ambo kumpua manti jo pangulu
Sarato dunsanak rang Batipuah.

Tasabuik dalam rundiangan
Kami mangganti karugian
Iyo balanjo pulang baliak
Tamasuak kudo nan mati ko
Sabab dibisiakkan dek mak dukun
Indak ado harapan lai.

Rundiang ditolak St. Tumangguang
Indak amuah manarimo pitih
Bia sarimih dibalah duo
Nan inyo minto pado kami
Inyo diangkek ka dunsanak
Dunsanak asok kumayan.

Rumah kami di Palabihan
Tampeknyo singgah kok ka Padang
Ato ka Tiku Pariaman
Mak salamaik pajalanannyo

Pado ambo itu garan
Pucuak dicinto ulanm tibo
Awak surang jadi barampek
Jiko rami di dalam rapek
Banyak pulo pikiran dapek.

Diucapkanlah maso itu
Sumpah satio kaduo balah pihak
Dibaka kumayan putiah
Kami manjadi badunsanak