Untuak pambao-bao baban
Suruah bacakak yo jo tanah
Nan paralu anyo dek kami
Iyolah makan pagi patang
Sarato baju jo sarawa.
Ameh Urai: Indak kuaso ambo mamak
Nan kuaso Rajo rang siko
Inyo bakawan jo Balando
Alah sudah mambuek janji
Urang parampok urang pancilok
Kok alah dapek ditangkok
Dimasuakkan ka bui ka panjaro nyo.
Sutan Rajo Mudo: Manolah ande kanduang ambo
Mari kito pulang ka rumah
Basuo jo anak bini ambo
Ari basarang malam juo.
Ameh Urai: Ambo iyo ka pai juo
Pai maliek anak kanduang
Iyolah Sutan Tangah Ari
Baa sakiknyo itu kini.
Sudah itu ambo paralu pulang
Indak baurang di rumah gadang
Ado tamu itu kini.
Iyo Puti Ambun Sari
Mande si Upiak Gantosari.
Rancak Dilabuah: Manolah Ande kanduang ambo
Bamalam Ande di siko
Barisuak kami kabatanam
Anaknya batang jawi-jawi
Batang baringin indak dapek
Ande kanduang ka jadi saksi.
Mano diak Upiak Gantosari
Upiak pulang kini ko juo
169
