XIII. PUTI INTAN SARI
Katiko rombongan Gantosari
Sampai di rumah gadang
Tasuo andenyo sadang duduak
Bagalak-galak jo dayang-dayang.
Satibo di rumah kasadonyo
Basamo sambahyang magarik
Nasi alah mah taidang
Makan pulo basamo-samo
Ambun sari mambukak kato.
Manolah tuan Datuak Tumangguang
Sarato tuan Marajo Lelo
Dangakan malah sambah ambo
Sambia mangunyah-ngunyah siriah.
Tantang kami nan baduo
Kak Ameh Urai jo ambo
Samalam-malaman cako
lyolah sampai laruik malam
Gilo barundiang babicaro
Tantang anak-anak kito.
Nan jaleh tu pado kami
Tantang nyo Sutan Tumangguang
Sarato si Upiak Gantosari
Mandanga keceknyo nan kapatang
Samo berang-mamberangi
Tapi tampaknyo samo amuah
Tali pangabek alun putuih.
Tantang karajo nan ka dibuek
Tasarah pado tuan kadkuonyo
Kami iko manuruik sajo
Baitu juo bapsk si Ganto
Nan ado di Pandai Sikek.
171
