Ado sabanta antaronyo
Lah ribuik urang di halaman.
Lah datang urang barombongan
Rombongan dari Pandai Sikek,
Tarang bandarang halaman tu.
Iyo dek suluah rang nan datang.
Inyo datang mambao tandu
Maracak kudo anam ikua
Surang- surang maracaknyo
Urang manjapuik marapulai.
Lah turun urang dari tandu
Mande Rukiah kapalonyo
Urang mambao siriah pinang
Pakaian pulo salangkoknyo
iyo pakajan marapulai
Marapulai duo sajoli.
Ado pulo barapo urang
Manjunjuang talam nan batuduang
Basaok pulo jo dalamak
Baaleh saputangan nan barendo
Baisi makanan tu garan.
Lah turun Rajo Gumanti
Manyongsong urang nan banyak tu
Maajak inyo naiak rumah
Naiakiah pulo kasadonyo
Lah tagak urang manantikan.
Lah duduak pulo kasadonyo
Ditatiang carano ameh
Diadokkan kaurang datang
Dituka jo carano ameh juo
Diadokkan bakeh Tuanku Tuan Gadang.
181
