Mano dunsanak kasadonyo
Mambasuah tangan kito garan
Ranah nan jauah nan ditampuah
Auih jo lapa lah tu kini.
Ampun Tuanku alek kami
Nan datang dari Pagaruyuang
Dari Suaso Sungai Tarab
Dari Sumaniak Padang Gantiang
Adiak nan dari Buo
Sarato Sumpua Kuduih
Samo manyuok kito garan
lyo jo urang nan datangko.
Sabagai pulo itu kini
Antaro kito nan banyak ko
ado rajo dari ilia
Rajo Sutan Tuanku Mudo
Urang nan dari Palabihan
Dunsanak angkek tu garan
Dek Sutan Tumangguang nangko
Sarato Sutan Tangah Ari.
Mari kito manyuok pulo
Nak tagok-tagok badunsanak
Diliek rajo han banyak ko
Nak sanang ati Sutan Tumangguang.
Mano Buyuang Sutan Tumangguang
Sarato Sutan Tangah Ari
Makan pulo buyuang kaduonyo
Nak tagok badan tanang pikiran
Maadoki parang nan kini ko
Parang basabuang iko buyuang
lyo parang sakali nangko
Bukan sarupo itu garan
183
