Jo parang di Kandang Ampek
Ato dibukik Tambun Tulang.
Parang taradok setan banyak
Taradok hawa napasu
Iyo manggaduah jo manggoda
Mambuek pitanah ilia ulu
Hasuik jo dangki turuik pulo
Kok kalah Buyuang baparang
Muluik talanjui indak ditahan
Tangan jo kaki nan tadorong
Dilapeh sajo itu garan
Ndak tau adaik ba sumando
Awak gadang di kampuang awak
Di kampuang urang dikaokan juo
Disabuik urang Buyuang kaduonyo
Malunyo tibo dikami ko
Nan malapeh buyuang turun tanggo
Pado malam tarang bulan ko.
Diambuih urang Buyuang bak abu
Bak abu di ateh tunggua
Siapo urang disalahkan
Ka mano kalian ka mangadu.
Kini ko makan elok-elok
Dilapeh ayah jo bundo
Sarato sagalo niniak mamak
Ande jo kakak sato pulo.
Makan taakia itu Buyuang
Makan sabagai paja-paja
Makan bamanjo disuokkan
Nan dari siko ka ateh
Buyuang nan tidak ado lai
Di dalam rumah gadang nangko
Buyuang bagala kini nangko
184
