KATA PENDAHULUAN
Ado takaba maso daulu, kaba lamo, kaba rang saisuak dari moyang turun, ka moyang dari moyang turun ka anduang, dari anduang turun ka nenek dari nenek turun ka ande, dari ande turun ka kito.
Pado maso dahulu, manuruik carito urang tuo-tuo itu ado molah itu garan saurang rajo di Daerah Batipuah Ateh nan bagala Datuak Tumangguang Tuo.
Kito lah samo tau juo, adapun akan rajo gadang di daerah Batipuah Ateh nangko io bagala Tuan Gadang.
Tantang kapado Tuan Gadang ko, io surang dari Nan Barampek nan mamarintah Nagari Ampek Koto,
Tantang Rang Gadang Barampek ko kudian bagala Urang Basa Ampex Balai.
Mangko tajadi nan bak kian, karano urang Gadang nantun maraso indak pado tampeknyo nagari indak batampuak ndak bapucuak, nan ka manjadi pucuak adaik nan disambah urang banyak.
Inyo sapakaik kasadonyo mancari Rajo ka Malaka.
Pado maso katiko itu di Malaka indak pulo ado barajo. Sabab tajadi nan cando itu karano Sultan Iskandar Syah Alam nan baranak baduo sajo, mambuang anak suluangnyo putro mangkuto ka Bukik si Guntang-Guntang (di Daerah Palembang sekarang) karano basalah manuruik adaik jo limbago, sabab karejo urang biaso nan talarang manuruik adaik.
Katiko Sultan Tuo itu mangkat, baliau digantikan dek nan bungsu, bagala Sultan Syair Syah Alam.
Sabab baliau ko mati mudo pulo nagari disarahkan bakeh Mangkubumi nan bagaia Datuak Bandaharo.
Datuak itulah nan didatangi dek Utusan Nagari Ampek Koto.
Basamo Datuak Bandaharo ko utusan cako pailah mambao gajah putiah ka Bukik Siguntang-guntang manjalang Rajo nan tabuang tu.
Dek lamo bakalamoan rajo itupun lah mati juo. Baliau
17
