Hanyo sabuah pinto kami
Kabara jauah pajalanan
Batang nan jangan dilupokan
Tali nan jangan diputuihkan.
Marantang panjang tu nak kanduang
Baduo anak nan pai
Barampek anak tinggakan
Barampek pulo didapeki.
Urang sapuluah jadi satu
Anak kabek jo tali suto
Usah dirangguik kareh-kareh
Kok diulua dikanduri
Usah ado tali nan putuih.
Kok ado tolongan Allah
Dalam sataun duo nangko
Batambah baduo lai
Pangabek batambah kuek
Dek tali suto tali darah
Baitu andaknyo sataruihnyo.
———————
Tantang bujang nan baduo
Dijapuik dek Puti Ameh Urai
Sarato inyo Siti Khadijah
Ande dek Sutan Tangah Ari
Dibao ka ateh anjuang
Dipakaikan pakaian marapulai
Nan datang dari Pandai Sikek.
Alah sudah mah bapakaian
Lah masuak inyo dalam alek
Rancak nan bukan alang-alang
Samo rancak kaduonyo
Indak dapek nan ka dipiliah.
188
