Diinai dek mande Rubiah
Sambia bapantun itu garan.
Kokinyo tuan kamanumbuak
Bao sagantang padi Jambi
Kok iyo Sutan kababiduak
Bao manumpang anak kami.
Manumbuak sambia manampi
Dek sakam dibuang juo
Usah dadak dibao pulang
Babiduak sampai ka tapi
Kok karam karam baduo
Usah si Upiak tanggalam surang.
Datanglah kapa dari Kaliang
Balabuah tantang Pantai Camin
Usah basipaik baliang-baliang
Baputa manuruik arah angin,
Daun limbayuang daun salasiah
Itulah garan kaubeknyo
Abih untuang putuihlah kasiahı
Pulangkan inyo ka tampeknyo.
Lah sudah inyo bainai
Iyo kaduo marapulai
Dibao turun dari lamin
Diduduakkan di bawah tirai
Iyo di ateh banta pendek.
Kalua pulo anak daro
Baduo bairiang-iriang
Samo rancak samo manih
Sananglah mato mamandangi.
Batujuah puti mairiangkan
Iyo puti Kasumbo Ampai (merah)
Kaduo puti Pinang masak (jingga)
193
