194 Katigo puti Ameh Urai Kaampek Puti ijau daun (kuniang) (ijau) Kalimo Puti biru lauik (biru) Kaanam puti Bungo taruang (ungu) Katujuah puti Bungo Limbayuang (lila) Lah tagak inyo katujuahnyo Mamakai salendang bak namonyo Malingkungi puti anak daro Bak bulan jo matoari Di bawah mangindo tujuah rono. Dibao duduak anak daro Lah duduak pulo pasumandan Iyolah puti nan batujuah Lah datang mande Rubiah. mambao inai dalam mundam Diinai pulo anak daro Tapak kaki tapa tangannyo Kuku kaki jo kuku tangan Bapantun pulo maso itu. Manumbuak sambia manampi Babelok ka ujuang pandan Babiduak turuik suami Elok-elok manimbang badan. Babelok ka ujuang pandan Ari kabuik lah laruik malam Elok-elok manimbang badan Usah dilauik upiak tanggalam. Banyak taserak bungo lado Ulah saikua anak balam Banyak baserak rumah tanggo Ulah ndak tau dimasin garam.
