Batalempong manggua canang.
Ado pulo di antaronyo
Pandai barabab bakacapi
Kalua urang dari balairuang
Iyo balerong tampek batanak
Laki-laki jo padusi
Abih balari itu garan
Iyo ka laman rumah gadang.
Abih manari kasadonyo
Jo sanduak panjang
Tambilang ketek
Sanduak pangacau gulai kancah
Dek tambilang pangacau galamai.
Ado pulo satangah lai
Iyo urang manyeka piriang
Manari jo kain panyekanyo
Tari jo nyanyi lah bagalau.
Urang mudo nan sadang manyusukan
Atau inyo sadang barisi
Indak dapek pai bararak
Itu pulo masonyo dek inyo
Kasato dalam alek tu
Kok indak dapek manari
Manyanyi sajo kabaanyo
Nan tagak mancaliak sajo
Banyak juo itu garan.
Paja-paja laki-laki parampuan
Banyak datang ka balairung
Mamintak karak pakai garam
Nan dibari pulo gulo anau
Abih manyasak nyo maliek.
Mande Ameh Urai sarato Puti tuo
197
