Disapu lantai kasadonyo
Taruih ka Luhak Limo Puluah.
Sari lamak jo Tanjuang Pati
Suliki Pangkalan indak lupo.
Urang Pasaman diundang juo
Tuanku Sontang Tuanku Rao
Tuanku Basa tuanku Sinuruik
Sampai ka Sasak Aia Bangih.
Baitu pulo itu garan
Daerah Kubuang Tigo Baleh
Rang Solok rang Salayo
Sungai Pagu Alahan Panjang.
Manuruik adaik Minangkabau
Baiak di Luhak di Rantaunyo
Alek gadang, sarupo Alek Ameh Urai
Inyo adokan tamaik kaji
Di rumah nan lain pulo
Urang adokan sunaik rasua.
Nan alek sakali nangko
Bukan to alek sikua kabau
Bukan alek sikua jawi
lyo tu kini di pandai Sikek
Urang mambantai tujuah kabau
Urang Batipuah tujuah pulo.
Dek lai bakatam Kaji.
Tantang alek nan kini ko
Iyo alek di Pandai Sikek
Jaranglah alek ka tandiangnyo
Panuah sasak dalam ustano
Dek duo balairung sari
Lah panuah pulo kaduonyo
Di laman urang tagak sajo
Mananti giliran makan
199
