Katabiang manmbao alu
Tampek duduak urang mamapeh
Basandiang maagiah urang tau
Lah naiak Sutan Batipuah Ateh.
Lah tabendong tu ka langik
Di bumi alah tabarito
Matoari duo sadang naiak
Dek bulan duo mairiangkan
Jarang tasuo di alamko
Basyukur kito pado Allah.
Sudah biaso dipabuek
Kok lah basandiang itu garan
Iyo di rumah marapulai
Barangkek urang kasadonyo
Mairiangkan anak daro.
Tapi alek nan kini nangko
Dek tampek inyo bajauahan
Indak mungkin abih sahari
Tapaso pulo barisuaknyo
Diarak urang nan barampek
Diarak ka Koto Lamo
Pangiriangnyo batambah banyak
Lah patang pulo mangko baliak
lyo baliak ka Pandai Sikek.
Dilapeh pulo anak daro
Jo kain baju salangkoknyo
Ditambah galang jo subang
Cincin jo dukuah ado pulo
Dek marapulai anak rang kayo.
Tabao pulo itu garan
Iyo pakaian marapulai
Pakaiannyo sahari-hari
Ditambah baju guntiang cino
201
