Bukan ambo manantang lawan
Indak bapaneh kaujanan,
Ambo ado mandapek kaba
Tantang Datuak Sidi Marajo
Urang Nagari Pandai Sikek
Mancang Galanggang itu kini
Untuak anaknyo Gantosari
Maimbau urang jauah jo dakek,
Tantang kapado ayah bundo
Bia kami urang ketek
Ado malah dijapuik juo
Masuak galanggang Pandai Sikek
Tapi mande ndak satuju
Indak buliah ambo ka situ.
Buyuang Geleang:
Ruponyo kito saparuntuangan
Dek ambo baitu pulo
Bapak mande urang ndak barado
Di galanggang banyak pataruhan
Jo apo utang ka dibayia
Kok ayam taduang alun mahie.
Awak sianu kato urang
Datuak lai pangulu lai
Tapi ameh intan nan tidak ado
Basawah di sawah urang
Iduik bak sampan hanyuik ilia,
llang rupo dek panyakik
llang bangso tak barameh
Di mano bundo takkan cameh
Malapeh awak naiak bukik
Pandai Singkek di kaki Singgalang
Tinggi tampeknyo bak unggeh alang.
Kok kawan patuik bana pai
20
