Mande kayo bapak datuak
Sawah sasayuik mato mamandang
Itiak, angso sapanuah sawah
Ameh jo intan juo lai
Rumah gadang sambilan ruang
salajang kudo balari
Awak rancak anggun jo tampan
Jaranglah ado tolok bandingan.
Rancak Dilabuah:
Kok itu Buyuang katokan
Alah jaleh mah kironyo
Bapak lai ’rang banamo
Kok indak ka tinggi bana
Mande lai ’rang barado
Kok iyo indak kayo rayo.
Tapi kini akan sabuah
Nan manjadi sabab itu dangan
Mangko mande ndak nyo amuah
Pai manyuruah pai maminang
Iyo ka rumah Gantosari
Dek si Ganto urang cadiak candikio
Sarato arth bijaksano.
Inyo rancak jarang bandingan
Lai pulo bakapandaian
Iyo manakaik manarawang
Sarato batanun banang ameh
Sariklah puti kan tandingannyo
Jaranglah rajo ka jodohnyo.
Buyuang Geleang:
Kok itu jadi halangan
Cubo minto sakali lai
Antah barubah pandapek bundo
Kawan nan buliah pai juo
Masuak galanggang Gantosari
Kadar mancubo-cubo sajo.
21
