Rancak Dilabuah:
Kalau baitu kato kawan
Danga pulo usulan ambo
Mari kito pai banduo
Mungkin buliah dek ande ambo
Dek ambo lai mah bakawan
Indak cameh baliau lai doh.
Buyuang Geleang:
Manolah kawan Rancak Dilabuah
Manga baitu bakeh ambo
Manga ambo dipaolokkan
Taibo bana ati ambo
Tasingguang raso parasaan
Jo apo ambo ka pai
Lai kan mungkin tu garan
Tangan jo gigi sajo nan ambo bawo
Untuak panyuok nasi urang
Untuak pangunyah lauak urang..
Kok di Jua galanggang ambo duduak
Mancongkong maliek urang main
Baa pulo kato utang banyak
Bapak lui diimbau urang
Mande lai dikang urang
Tantulah ambo 'dicibiakan.
Sabagai pulo itu garan
Kok urang dalam istano
Maliek ambo di Jua galanggang
Tantu ambo diajak urang
Iyo masuak istano nantun
Karano ado pertalian darah
Biapun alah jauah bana.
Rancak Dilabuah:
Kok itu Buyuang katokan
Pado pikiran ati ambo
Kok memang amuah buyung pai
Ande ambo lai kan amuah
Manotong Buyuang jo balanjo.
22
