II. KANDAK SI RANCAK DIKABUAKAN.
Kaba baraliah anyo lai
Sungguh baraliah sinan juo
Tasabuik bujang nan baduo
Rancak di Labuah Buyuang Geleang
Babaliak pulang maso itu
Manuju rumah ande kanduang
Iyo ande dek Rancak Dilabuah
Inyo balari-lari anjiang
Kian lamo basarang dakek
Sampailah pulo bujang nantun
Di halaman rumah nan gadang
Rumah gadang sambilan ruang
Salajang kudo balari
Baanjuang tinggi kida kanan.
Rancak Dilabuah
Manolah mande kanduang ambo
Mande kanduang bukakan pintu
Kami nak naik ka ateh rumah
Ado kato kan dikatokan.
Ande:
Mano Bujang Rancak Dilabuah
Lai di Jaman ang kironyo
Ati ande lah agak rusuah
Den sangko buyuang pai jauah.
Peti pusako lah tabukak
Kain jo baju lah kalua
Kain basulam banang ameh
Sabab itu ati den cameh,
Sabagai pulo itu kanduang,
Kinantan tak fampak pulo
Indak ado nyo dij kandang
Ati denai tabedo pulo.
Denai manyangko tadinyo ko
24
