Jangan bakandak bakeh bundo
Kamaminang kamanyuruah
Maminto Puti Gantosari
Untuak tunangan anak denai.
Mangko baitu kato mande,
Lah sabulan galanggang rami
Lah banyak rajo nan datang
Lah cukuik Sutan ka galanggang
Batandan pinang nan lah layua
Batundo siriah jo gagangnyo
Manjadi sarok di halaman
Siriah dibawo urang datang
Maminang puti Gantosari
Alun saurang nan di ati.
Kok kunun pulo kito nangko
Sadangkan rajo mamarintah
Sarato sutan anak rajo
Pulang sajo batangan ampo.
Buyuang Geleang: Manga itu nan mande sabuik
Jodoh di dalam tangan Allah
Antah dek jodoh kawan ambo
Iyo kawan Sutan Tumangguang
Mangko urang tu ditulaknyo.
Mande: Sakali lai mande katokan,
Kok nak pai ka galanggang
Denai lapeh baiak-baiak
Bia ábih ameh sapundi
Untuk taruah si Kinantan
Bulak ande gamang di sinan
Indak denai ka rusuah risau.
Rancak Dilabuah: Ampunlah ambo mande kanduang
Ado lai pinto ambo
Mande dangakan bajak-baiak
26
